Մեր մասին
Ի՞նչ է «Այբ»-ը
«Այբ»-ը գաղափար է, որի շուրջ համախմբված են մարդիկ, ովքեր իրենց ձեռքբերումները համարում են կրթության արդյունք և ձգտում են միասնական ներդրմամբ ստեղծել Հայաստանում բարձրորակ կրթություն ապահովող համակարգեր։ 2006 թվականից ի վեր մենք տարբեր նախաձեռնություններով մեր ջանքներն ենք ուղղում մի կողմից ուսուցիչներին, սովորողներին և ոլորտի մասնագետներին փոխանցելու համաշխարհային կրթական առաջադեմ փորձը, մյուս կողմից ստեղծելու և տարածելու 21-րդ դարի հայկական կրթության լավագույն մոդելը։
Մեր նպատակը
«Այբ»-ն առաջնորդվում է «Լավագույն կրթություն՝ բոլորին» կարգախոսով և որակյալ կրթական հնարավորությունները բոլորին հասանելի դարձնելու ձգտումով։
Մեր առաքելությունը հիմնված է 4 հիմնարար գաղափարների շուրջ՝
- Ստեղծել որակյալ, օրինակելի կրթական համակարգ
- Կերտել ուսյալ և արժեքներ կրող սերունդներ
- Միավորել հասարակությանը կրթության առաքելությամբ
- Ձևավորել կրթությանն աջակցող համայնքներ
Մեր ներդրումը կրթության մեջ
Ինչո՞ւ «Այբ»
Որպես կրթության ոլորտում երկարամյա փորձ ունեցող կառույց՝ մեր դասընթացները և ծրագրային բովանդակությունը կօգնեն Ձեզ հասնելու ձեր մասնագիտական նպատակներին, արդյունավետ գործիքակազմով և մտածելաձևով դիմագրավելու շուկայի և մասնագիտական ոլորտի մարտահրավերներին և ոգեշնչում գտնելու անհատական աճի և առաջնորդության սեփական մոդելի կայացման համար:
Ապագայի կրթությունն այսօր
